სამგურალი საქართველოს თასის მეოთხედფინალშია

წყალტუბოს ,,სამგურალმა" საქართველოს დავით ყიფიანის სახელობის თასის 1|18 ფინალურ შეხვედრაში ,,გონიო" სტუმრად 1:0 დაამარცხა და შემდეგ ეტაპზე გავიდა.
,,გონიოსთან" სათასო დაპირისპირება საკმაოდ რთული გამოდგა. თასის სპეციფიკიდან გამომდინარე, ასეთ დაპირისპირებებში ხშირად ფავორიტის სტატუსი არ ამართლებს ხოლმე. თუნდაც, წინა სათასო დღე გავიხსენოთ, როცა ეროვნული ლიგა 2-ის აუტსაიდერმა ,,სამტრედიამ" ასპარეზობიდან თბილისის ,,დინამო" გამოთიშა.

,,გონიოს" სათასო ამბიციებიც კარგად მოგეხსენებათ, ამდენად იოლი გაისეირნება არც იყო მოსალოდნელი.

სეზონი სწორედ თასის მეთექვსმეტედფინალური შეხვედრით განახლდა და ,,სამგურალი" სტარტზე ცოტა არ იყოს ,,მძიმედ" გამოიყურებოდა. ,,გონიოსთან" გუნდს საუკეთესო თამაში არ ჰქონია, თუმცა კარგია, რომ წყალტუბოელებმა ბოლო დროს, ასეთი რთული მატჩების მოგება დაიწყეს.

გამარჯვების გოლი 60-ე წუთზე მათე აბულაძემ გაიტანა. მან დემურ ჩიხლაძის ,,სტანდარტულის" შემდეგ, თავური დარტყმით დააწინაურა საკუთარი გუნდი. აბულაძის გოლი ერთადერთი და მერვედფინალის საგზურის მომტანი აღმოჩნდა.

გუშინდელ შეხვედრაში ,,სამგურალის" რიგებში, სამი ახალი ფეხბურთელის: ველისოლ ოლივეირას, პაბულო რაიანისა და თემურ გოგნაძის ოფიციალური დებიუტი შედგა.

მერვედფინალში ,,სამგურალის" მეტოქე გორის ,,დილა" იქნება. მატჩი 27 ივლისს წყალტუბოში გაიმართება.

გონიო-სამგურალი 0:1
გოლი: 0:1 მ. აბულაძე (60)

სამგურალი: ყალიჩავა, კვარაცხელია (74.გოგნაძე), აბულაძე, რაიანი, ბული, ვინისიუსი, ჩიხლაძე (82.ჯანჯღავა), ჟან კარლოსი (90+1.მაჯგალაძე), ხორხელი, ველისონი (82.შერგელაშვილი), ფანცულაია (74.ჯეფინიო)

სატადარიგოები: ბელოვი, ჩხეტიანი, იაშვილი, გოლეთიანი

მთავარი მწვრთნელი: ტიაგო გომესიскачать dle 11.3