ბოლო წუთზე გაშვებული შანსი » FCSamgurali - Official
მომდევნო მატჩი
3 აგვისტო, 16:00
დინამო თბ
სამგურალი
წინა მატჩი
1 ივნისი, 19:30
იბერია1
სამგურალი2
ეროვნული ლიგა
ეროვნული ლიგა
ბოლო წუთზე გაშვებული შანსი
  • ,,სამგურალმა" ეროვნული ლიგის 32-ე ტურის შეხვედრა სტუმრად ქუთაისის ,,ტორპედოსთან" გამართა. დაძაბული და ემოციებით დატვირთული მატჩი ფრედ 0:0 დასრულდა.

    ეროვნულ ლიგაში ზედიზედ ორი მარცხის შემდეგ წყალტუბოელებს 3 ქულის მოპოვებისა და უშუალო კონკურენტის დამარცხების ძალიან კარგი შანსი ჰქონდათ. მსაჯის მიერ დამატებულ მეექვსე წუთზე ბექა დარცმელიამ ,,სტანდარტულიდან" ,,ტორპედოს" საჯარიმოში გაუშვა ბურთი, რასაც მასპინძელთა კართან არეულობა მოჰყვა, ლეანდრო ლიმა დაახლოებით 7 მეტრიდან ურტყამდა კარში, მაგრამ ,,ტორპედოს" მეკარე ფილიპ კლიაიჩმა რომ იტყვიან ,,მკვდარი ბურთი" მოიგერია და მასპინძლები აშკარა გოლისგან იხსნა.

    იქამდე მოედანზე უშეღავათო ბრძოლა მიმდინარეობდა. მატჩის არბიტრმა კოტე გიორგაძემ 10 ყვითელი და 1 წითელი ბარათი გამოიყენა. შანსები ორივე გუნდს ჰქონდა, მაგრამ ყველაზე რეალური სწორედ ლიმას მომენტი იყო.

    32 ტურის შემდეგ ,,სამგურალს" 47 ქულა აქვს და მე-6 ადგილზეა და მესამე ადგილოსან ,,ტორპედოს" 5 ქულით ჩამორჩება.

    ტორპედო-სამგურალი 0:0

    03.11. ქუთაისი. რამაზ შენგელია
    ტორპედო (4-3-3): კლიაიჩი - მჭედლიშვილი, მონტეირო, გოგლიჩიძე, შერგელაშვილი - მანჯგალაძე, არაბიძე (55. ეკონგოლო), გიგაური - ბუღრიძე (65. ნეტო), აკბარი (81. ჰაიდარი), ნინკოვიჩი
    სათადარიგოები: გოშაძე - ჭიჭინაძე, ფანცულაია, ტყეშელაშვილი, ჯ. ჩაჩუა, იმედაძე
    მწვრთნელი: სტივ კინი

    სამგურალი (4-2-3-1): შოვნაძე - კიკაბიძე (75. ა. ვერულიძე), პატარკაციშვილი, მარკოვინა, კალანდარიშვილი - არტური, დარცმელია - ნ. ხორხელი (62. ლეანდრო ლიმა), ჩიხლაძე (64. ლომინაძე), კაგაიამა (64. გომესი) - ბალანიუკი (69. იკპე)
    სათადარიგოები: ყალიჩავა - მაისაშვილი, ლ. ხორხელი, ბული
    მწვრთნელი: ოლეკსანდრ პოკლონსკი

    გაფრთხილება: დარცმელია (28), ნ. ხორხელი (34), მარკოვინა (37), კაგაიამა (45), ნინკოვიჩი (61), ეკონგოლო (81), მანჯგალაძე (90+3), არტური (90+3), გიგაური (90+6)
    გაძევება: გიგაური (90+6. მეორე გაფრთხილება)
    არბიტრი: კ. გიორგაძე
    скачать dle 11.3