წყალტუბოს ,,სამგურალმა" ანტალიაში ბულგარულ ,,მონტანასთან" ამხანაგური მატჩი გამართა და მეტოქე ანგარიშით 4:2 დაამარცხა. შეხვედრა გიორგი ჭელიძის გუნდის უპირატესობით დაიწყო, რაც ანგარიშშიც აისახა. ანგარიში ნიკა ხორხელმა გახსნა, რამდენიმე წუთში კი ნოდარ ლომინაძემ ანგარიში ორამდე გაზარდა. გაშვებული გოლების შემდეგ ბულგარელები გააქტიურდნენ, ანგარიში მალევე შეამცირეს, 43-ე წუთზე კი თერთმეტმეტრიანი დარტყმით წონასწორობა აღადგინეს. ,,სამგურალმა" პირველი ტაიმის ბოლოს კიდევ ერთხელ შეძლო წინ გასვლა - გოლი ლუკა ხორხელმა გაიტანა. მეორე ტაიმში წყალტუბოელებმა კიდევ ერთხელ აიღეს მეტოქის კარი, თავი მიხეილ ბაშელეიშვილმა გამოიჩინა და საბოლოო ანგარიში დააფიქსირა- 4:2
скачать dle 11.3