წყალტუბოს ,,სამგურალმა" მიმდინარე სეზონში სოსო ფრუიძის თავკაცობით პირველი მატჩი ქუთაისის ,,ტორპედოსთან" გამართა და მეტოქე 2:1 დაამარცხა.
შეხვედრა წყალტუბოელებისთვის არც თუ სასიამოვნოდ დაიწყო, მე–17 წუთზე ,,სამგურალის" კარში პენალტი დაინიშნა და ქუთაისელები ოლეგ მამასახლისის გოლით დაწინაურდნენ 0:1
გაშვებული გოლის შემდეგ ,,სამგურალმა" მეტოქე საკუთარ საჯარიმოს მიაჯაჭვა და 37–ე წუთზე სერგო კუხიანიძის ულამაზესი გოლით ანგარიში გაათანაბრა 1:1
მატჩის მეორეც საინტერესო და დაძაბული გამოდგა. 76–ე წუთზე შეცვლაზე შესულმა დათო კირკიტაძემ ნიკა კალანდარიშვილის წაქცევისთვის დანიშნული პენალტი გოლად აქცია და ,,სამგურალი" წინ გაიყვანა –2:1
დარჩენილ დროში გოლის გატანის ყველაზე რეალური შანსი სერგო კუხიანიძეს ჰქონდა, მაგრამ ქუთაისელები გოლისგან დინო ჰამზიჩმა იხსნა.
,,სამგურალმა" მნიშვნელოვანი 3 ქულა მოიპოვა და 9 ტურის შემდეგ ამდენივე ქულით სატურნირო ცხრილში მე–7 ადგილზე იმყოფება.
скачать dle 11.3