წყალტუბოს ,,სამგურალი" ეროვნული ლიგისთვის დაკომპლექტებას განაგრძობს. კლუბმა 22 წლის ნიკა კალანდარიშვილთან სამწლიანი კონტრაქტი გააფორმა. ახალგაზრდა ფეხბურთელი ამპლუით ფლანგის ნახევარმცველია და ჩვენს გუნდში შარშან ზაფხულის შემდეგ ვარჯიშობს, თუმცა, მასთან ხელშეკრულების გაფორმება მხოლოდ სეზონის დასრულების შემდეგ მოხერხდა.
ნიკა კალანდარიშვილი ბოლოს ირლანდიურ ,,ათლონ თაუნში" თამაშობდა. აღნიშნული კლუბის მაისურით მან ირლანდიის პირველ დივიზიონში (2018–2019წწ) 19 მატჩი ჩაატარა და 4 გოლი გაიტანა.
ირლანდიაში გადასვლამდე კალანდარიშვილი ჯერ თბილისის ,,დინამოს" და თბილისის ,,ლოკომოტივის" ასაკობრივ გუნდებში თამაშობდა, შემდეგ კი გორის ,,დილას" ღირსებას იცავდა.
скачать dle 11.3