წყალტუბოს ,,სამგურალმა" 29 წლის გამოცდილი შემტევი ნახევარმცველი ირაკლი ლექვთაძე დაიმატა. ბოლოს ის გორის ,,დილაში" თამაშობდა. გასულ სეზონში ჩატარებულ 15 შეხვედრაში ლექვთაძემ ,,დილას" მაისურით ორი გოლი გაიტანა.
,,სამგურალის" ახალწვეულმა პროფესიული საფეხბურთო კარიერა თბილისის ,,დინამოში" დაიწყო. საქართველოს ყველაზე ტიტულოვან კლუბში გატარებული სამი სეზონის შემდეგ ის გორის ,,დილაში" გადავიდა, თუმცა ერთ წელიწადში ისევ ,,დინამოში" დაბრუნდა, შემდეგ მის კარიერაში იყო ბოლნისის ,,სიონი", თბილისის ,,დინამო", ქუთაისის ,,ტორპედო", ,,ცხინვალი", 2016 წლიდან 2019 წლამდე ითამაშა საჩხერის ,,ჩიხურაში", ბოლო ერთი სეზონი კი გორის ,,დილაში" გაატარა.
скачать dle 11.3