უჩა სოსიაშვილის გუნდი მთელი მატჩის განმავლობაში უდიდეს უპირატესობას ფლობდა. სტუმრები მთელი გუნდით თავს იცავდნენ, მიუხედავად ამისა, წყალტუბოელებმა არაერთი საგოლე მომენტი შექმნეს, მაგრამ დამაგვირგვინებელ ფაზაში საოცრად არ უმართლებდათ. გოლის გატანის ასპროცენტიანი შანსები ჰქონდათ, ომარ პატარკაციშვილს, გრიგოლ დოლიძეს, ლევან ქურდაძეს, პაპუნა ფონიავას და სერგო კუხიანიძეს, თუმცა ხან თბილისელთა მეკარე იყო მოწოდების სიმაღლეზე, ხან მასპინძლებს სიზუსტე არ ჰყოფნიდათ, ორჯერ კი ვეტერინარები კარის ხარიხამ იხსნა გაშვებული გოლისგან. საბოლოოდ, შეხვედრა ფრე 0:0 დასრულდა. აღნიშნული შედეგის მიუხედავად, ,,სამგურალი" სატურნირო ცხრილში კვლავაც მე–2 პოზიციაზე რჩება და ეროვნულ ლიგაში გადასასვლელად ბრძოლას აგრძელებს.
скачать dle 11.3