,,სამგურალმა" ,,მერანთან" მატჩამდე პოლარის სისტემა გამოიყენა

წყალტუბოს ,,სამგურალმა" დღეს მატჩისწინა ვარჯიში გამართა. ბესიკ ხაჭიპერაძის გუნდი ხვალ, ეროვნული ლიგა 2-ის 24-ე ტურის შეხვედრაში მარტვილის ,,მერანს" შეხვდება. მატჩი მარტვილში, მურთაზ ხურცილავას სახელობის სტადიონზე 16.30 საათზე გაიმართება.

დღევანდელ ვარჯიშზე გუნდმა პირველად გამოიყენა პოლარის ანალიტიკური სისტემა, რომელიც საქართველოს ფეხბურთის ფედერაციამ, ქართული ფეხბურთის განვითარების ფონდის დაფინანსებით, ლიგა-1-სა და ლიგა-2-ის კლუბებს საჩუქრად გადასცა.

პოლარის სისტემის მეშვეობით დგინდება, რამდენს დარბის ფეხბურთელი, რამდენ გადაცემასა და აჩქარებას აკეთებს მატჩის განმავლობაში და სხვა მონაცემები.скачать dle 11.3