წყალტუბოს ,,სამგურალი" წარმატებულ სვლას განაგრძობს. გიორგი მიქაძის გაწვრთნილმა გუნდმა ზედიზედ მეოთხე შეხვედრა მოიგო, წაუგებელი მატჩევის რაოდენობა 7–მდე გაზარდა და სატურნირო ცრილში მესამე ადგილზე გადაინაცვლა.
კრისტალბეთ ეროვნული ლიგის მე–12 ტურის შეხვედრაში ,,სამგურალმა" ირაკლი რუხაძისა და ნიკა კალანდარიშვილის გოლებით 2:1 დაამარცხა ,,თელავი" და ქულებით ლიდერებს მიუახლოვდა.
გასულ ტურში ბათუმის ,,დინამოსთან" გამართული შეხვედრა წყალტუბოს ,,სამგურალის" 38 წლის ნახევარმცველ გრიგოლ დოლიძისთვის ეროვნულ ლიგაში (უმაღლეს ლიგაში) საიუბილეო, მე– 400 მატჩი იყო.